xoves, 11 de xullo de 2013

Como montar unha horta comunitaria u horto urbano

Hoxe, imos ver como montar unha horta urbana comunitaria en campo, collendo o exemplo da nosa colaboración coa Universidade da Coruña (UDC).




Primeiro: ter demanda! :)


Parece tonto, pero se ninguén ten interese, se non hai destinatarios/as, non ten sentido face-lo! Neste caso, a demanda xurde a Oficina de Medio Ambiente da UDC, con varios obxectivos, entre os que destaca a labor didáctica e formativa para as persoas que han de cultivar.


Segundo: facer un proxecto real

Un proxecto que recolla, como aspectos importantes:

  • Distribución das hortas, tamaño...
  • Normas de funcionamento
  • Necesidade de compras (material, plantas...)
  • Plan de formación e acompañamento 



Terceiro: preparar o terreo

 Collese unha finca nas condicións na que se colle, e hai que leva-la a ser terra de horta... tarefa non sempre moi doada! Hai que definir como imos labrar e preparar todo isto. Neste caso, encalamos, botamos algún abono ecolóxico e máis compost, abono verde, laboreo.






Este era o aspecto ao inicio, cando fixemos as primeiras análises...








... abonando...







 ... i este era o aspecto cando as entregamos para iniciar a plantación (maldito tempo deste ano, que se nos pasou o abono verde...)









Cuarto: xuntar a xente, e que empecen a traballar







Sen esquecer o establecemento de infraestrutura ecolóxica, en elementos comúns e, entón, con traballo comunitario (tamén iso é aprendizaxe!): aquí facendo unha morea de pedras.






e quinto: acompañar con formación práctica e dinamizar o grupo

Facilitar aprendizaxe mediante "experimentación": ensinando a facer sementar en bandeixa e alveolos, con distintos tipos de substratos.

























Ningún comentario:

Publicar un comentario