PROGRAMACION CURSO DE HORTA ECOLOXICA PROFESIONAL

 
Queda todavía algunha praza para o curso que horta ecolóxica de 50 horas que imos celebrar de novembro a xaneiro, un día a semán, para persoas que queren vivir desta produción.

Lembredes que remata o prazo de inscrición o día 18 de novembro.

Achegamos a programación definitiva, aínda que a revisemos o primeiro día xuntos, para adaptarnos o máximo posíbel á vosa dipoñibilidade.

Para máis información, contacta con nós ou pincha aquí

TITULO	CONTIDO	HORAS	DATA
modelos de AE	modelos de produción	0,5	25/11/13
	modelos de comercialización; internet	1,5	25/11/13
lexislación lexislación	normas de produción; tramitacións	1	25/11/13
	comercialización: normas, etiquetado	1	25/11/13
comercialización	envases, etiquetaxe	2	25/11/13
sementes e plantóns	mercado	0,5	03/12/13
	teoría: produción e conservación de sementes	2	03/12/13
	produción de sementes: por cultivo	2	03/12/13
	Produción de plantas; substratos	1,5	03/12/13
abonado	mercado	0,5	11/12/13
	abono verde	1,5	11/12/13
	cálculos MO; análises de terra e interpretación	2	11/12/13
	perfil de solo; fertilidade	2	11/12/13
	compostaxe	2	19/12/13
malezas	teoría	2	19/12/13
	control mecánico, técnicas concretas	2	19/12/13
infraestrutura ecolóxica	concepto. Biodiversidade. Control de PE	1	10/01/14
	sebes e illas ecolóxicas	1,5	10/01/14
	estanque	0,5	10/01/14
	niños, refuxios	1	10/01/14
	fauna útil	2	10/01/14
por cultivo	plantación, operacións de cultivo, control de inimigos, etc...	6	16/01/14
	plantación, operacións de cultivo, control de inimigos, etc...	5	22/01/14
asociacións e rotacións	teoría e práctica	1	22/01/14
traballo	maquinaria para traballo en horta ecolóxica	2	28/01/14
economía	plan de empresa	2	28/01/14
	xestión técnico-económica	2	28/01/14

PASTA DE DENTES CASEIRA

RECEITA PARA FACER A PASTA DE DENTES NA CASA

 Seguimos coas nosas actividades de formación e divulgación co centro comercial Espacio Coruña. Tocou agora facer pasta de dentes. Velaí a receita.


1 culleriña de salvia seca
1 gota de aceite esencial de menta
1 pizca de sal mariña
2 culleriñas de arxila branca ou caolín
auga

• Facemos unha infusión de salvia, en un vaso de auga. Se o que temos é salvia fresca, entón botamos 2 culleriñas en troques de unha
• Pasados 4 minutos, colamos a infusión con gasa ou colador fino
• Botamos 2 culleriñas de infusión na arxila, o sal e o aceite de menta
• Revolvemos até que quede ben mesturado e compacto, coa textura de pasta de dentes
• Podemos botar esencia de té, que axudará a aguantar esta pasta máis tempo, e que ten tamén efecto antibacteriano.
• Podemos usar tomiñó no lugar da salvia
• a pasta consérvase perfectamente durante un mes

COMO FACER XABRÓN E PASTA DE DENTES

AS NOSAS ACTIVIDADES EN CENTRO  COMERCIAL EN CORUÑA

Velaí o resumo dun dos 4 obradoiros que estamos a facer no centro comercial "Espacio Coruña", dentro das actividades que temos concertadas ao redor de educación ambiental e horta urbana.

Aprendimos a facer xabrón  e pasta de dentes. Explicamos os distintos tipos de xabrón que se poden facer, e como é unha actividade para nenos e adultos, fixemos un xabrón de glicerine e lavanda.

Tamén presentamos as distintas especies de plantas que se usan nas receitas, e os seus usos mediciñais.

Foi unha tarde entretida, na que nenos e adultos puideron participar conxuntamente; ata tivemos un bebé que se portou de marabilla.

Pasamos un rato agradábel, e dende aqui queremos dar as grazas a todas as persoas que participaron, que colaboraron con moi boa gana e nos facilitaron moito o traballo.

ELABORACION DE XABRÓN DE LAVANDA

1 culleiriña de flor de lavanda
3 gotas de aceite escencial de lavanda
40 gr de glicerina
(estes 3 ingredientes, atopámolos en drogaría)
microondas ou 2 cazos para cocer ao baño maría
molde
culler
bol de cristal
morteiro
alcohol 60º ou 90º

 

 

• (opcional) Machacamos as flores no morteiro
• quentamos a glicerina no bol, pouco a pouco, para evitar que quenza en exceso (no microondas, poñemos pouto tempo e pouca temperatura)
• removemos para compreobar que esta totalmente desfeito, e botamos as flores e o aceite escencial
• removemos e botamos en molde. Se o molde é pouco flexíbel, botar aceite antes de botar o xabrón
• inmediatamente, vaporizamos con alcohol para evitar que saian burbullas
• deixamos enfriar, e despois deixamos na nevera. Após 5 horas, demoldamos. 

E pronto.... ELABORACIÓN DE PASTA DE DENTES!

 

Un exemplo do interese da análise de xestión

Exemplo 1: o que pensas que fas fronte ao que fas

Onte dimos charla de xestión a un grupo de futuros/as produtores/as, no curso de incorporación á actividade agraria. Sacamos un exemplo cos alumnos/as, que nos parece ilustrar ben un dos aspectos da xestión. Evidentemente, é un exemplo feito rápido no momento, sen datos exactos, pero permítenos entender por onde van os tiros.

Pregunta ao produtor:  canto penso comen as vacas?

Resposta: 11 kg

Pregunta.  si? seguro? e cantos litros dan?

Resposta: de media anual, 33 litros

Pregunta: E o penso, a que prezo?

Resposta: a 333€/Tm

Conclusión:

Para facer un litro de leite, gastas 11kg de penso. 11 kg/33 litros=0.333kg; para cada litro de leite, necesitas 0,333 kg de penso. Vale. Pero... De verdade comen 11 kg de penso? ou é a ración que fas co carro mesturador? e nuncas fas máis ou menos racións? nunca tes vacas secas?

Resposta: bueno, si, pero cambia pouco.

Pregunta: Vale, imos ver. Facendo xestión, imos calcular doutro xeito. Cantos litros entregas ao mes?

Resposta: 68.000

Pregunta: E cantos quilos de penso mercas ao mes?

Resposta: 24.000 kg.

Conclusión

Para facer un litro de leite, gastas en realidade:

24.000kg / 68.000litros=0.353kg de penso.  Isto non son 0.333, non ? Este dato que das, litros vendidos e concentrado comido, son datos reais, de verdade, que se poden comprobar. Namentres que os supostos 11 kg e supostos 33 litros de media, vete ti a saber!

Ben. E que? para que sirve isto?

O que pensas que gastas, son 0.333kg, namentres o que gastas de verdade son 0.352kg. E dicer, que gastas en realidade, para cada litro de de leite, 0,352-0.333= 0.019kg de penso máis do que pensas. 

Vale, e que? si esto non é nada.

Claro... 68.000 litros ao mes son 816.000 litros ao ano.

816.000 litros x 0.019 kg= 15504kg de penso que gastas máis do que pensas.

Traducido a cartos: 15504 kg x 0.333€/kg=      5162.83€

!!!!!!!!!!!!!!!!!!!

A diferenza entre o que pensas que fas, e o que fas en realidade, son 5000€! que perdes, lóxicamente.

Feita a análise de xestión, xa decides tí o que fas: ou revisas os teus cálculos sobre a ración "teórica" metida no carro, e pensas que en realidade non fas unha ración con 11 kg, senón con 11.62kg; ou tes que comprobar se de verdade os animais te dan 33 litros; ou ben cambias o sistema de distribución, para traballar realmente con 11 kg, co cal deberías meter menos penso en cada carro.

Velaí para que sirve a xestión, entre outras cousas.

Grazas ao grupo de onte pola súa participación no curso e na elaboración do exemplo, que foi moi ilustrativo.!

 

 

Convocamos un curso de horta ecolóxica pensado para profesionais

OBXECTIVOS

• fomentar o coñecemento mutuo entre produtores/as galegos/as
• dar ás novas explotacións ecolóxicas claves técnicas para unha produción rendíbel
• formar ao alumnado en prácticas agronómicas, comerciais e de xestión acordes con unha produción orientada ao mercado, para ir máis alá do nivel da simple produción de horta familiar.

DESTINATARIOS

O curso vai dirixido fundamentalmente a produtores e produtoras de horta ecolóxica en activo, ou en proceso de iniciar a actividade.

DATAS E HORARIOS

Co fin de facilitar ao máximo a asistencia, o curso terá lugar entre os meses de novembro 2013 e xaneiro 2014, a razón dunha sesión por semana, con unha duración de 6 horas cada unha das 8 sesións, en horario de mañá e tarde (de 10:00 a 14:00 e de 15:30 a 17:30).

CONTIDOS

Modelos de agricultura ecolóxica (2 horas): modelos de produción; de comercialización; internet

Lexislación (2 horas): normas de produción; etiquetado; tramitacións

Comercialización (2 horas): envases, etiquetaxe

Sementes e plantas (6 horas): mercado; produción e conservación de sementes; estudo por cultivo; produción de plantas; substratos

Abonado (8 horas): mercado; abono verde; materia orgánica; análises de solo e interpretación; perfil de solo; fertilidade; compostaxe

Malezas (4 horas): teoría; control mecánico; outras técnicas

Infraestrutura ecolóxica (6 horas): teoría; biodiversidade; control de pragas e enfermidades; sebes e illas ecolóxicas; estanques; niños e refuxios; fauna útil

Estudo por cultivo (11 horas): sementar, plantar; operacións de cultivo; control de pragas e enfermidades; calidade, recolección; conservación

Asociacións e rotacións (1 hora): teoría e práctica

Traballo (2 horas): maquinaria para traballo en horta ecolóxica

Economía (4 horas): plan de empresa; xestión técnico-económica

CUSTO, INSCRICIÓN

A asistencia require de inscrición previa, e as prazas son limitadas. A inscrición á totalidade do curso é de 250€. E posíbel tamén asistir á cada xornada por separado, con un custo de 35€ cada unha.

Monomuxidora

 A MONOMUXIDURA COMO ALTERNATIVA FRONTE AO AUMENTO DE CUSTOS DA PRODUCION INTENSIVA

Dixestes "monomuxidura"? E unha estratexia oposta a mercar robot ou a muxir 3 e 4 veces ao día: consiste en muxir só unha vez ao día. A organización do traballo na explotación cambia radicalmente, con sistemas que, ben levados, non teñen por que significar perda de rendibilidade.

 INTERESE:

• Redución dos custos de produción
• ligados ao muxido (luz, traballo...)
• ligados  á produción (alimentación, sanidade...)
• Redución do traballo (do 15 ao 20%)
• Reorganización do traballo, novos horarios, maior flexibilidade
• Mellor aproveitamento do pastoreo (distancias)
• Suben as calidades (0.28 puntos en graxa, 0.15 en proteina)

 

MODALIDADES:

• Todo o rabaño muxido unha única vez ao día
• Todo o rabaño muxido unha única vez ao día nun momento do ano
• Todo o rabaño muxido unha única vez o día, un día a semán
• Parte das vacas muxidas unha soa vez

A modalidade elexida depende de:

• Raza
• Se hai agrupamento de partos ou non
• Obxectivos xerais polo que se implanta (fundamentalmente: organización do traballo)
  

 

RENDIBILIDADE:

Pérdese un 25% da produción por animal en volume líquido; en sólidos (ou leite ao 4%), a perda é menor. A perda económica por redución de litros vendidos compensase por

• un aumento das cabezas onde existan condicións para iso (base territorial, construccións...)
• mellor, polo cambio correspondente na ración e o mellor aproveitamento en pasto, no seu caso.

O QUE NON SE DEBE FACER:

Pasar de dous muxidos a un, con vacas frisonas, dun día para outro, todo o ano, o que nos levaría a:

• perda de máis de 25% da produtividade
• secado temprano de animais
• forte incidencia de mamites e reconto celular

O QUE SE DEBE FACER:

• Pensar que modalidade é a que se adecúa ás nosas condicións e organización do traballo
• Comprobar adecuación da raza á modalidade que elixamos
• Planea-la transición
• Revisar a ración

PARA MÁIS INFORMACIÓN:

contacta con nós!

 

 

Que mercas, auga ou carne?

OS PRODUTOS "ECOLÓXICOS SON CAROS"

 ...ou iso dicen

 

Pero ti, que mercas? Mercas auga a prezo de carne, que é o que venden cando crían os animais en cebadeiros intensivo? Mirade esta foto: o filete quedouse na metade, e a tixola esta cheia de líquido e graxa fundida.

 Comparade con carne criada en sistema extensivo ou en ecolóxico: tixola seca

Un argumento, pois, a favor da produción ecolóxica e dos sistemas extensivos: o que pagas é o produto; pola contra, cando mercas un tomate ou carne convencional intensiva, pagas auga a prezo de alimento.

A maiores, a carne criada en base a pasto ten máis ácidos graxos beneficiosos para a saúde, entre outras cuestións...

Circulación de animais polas estradas

Xa sodes varias persoas a perguntar polas normas a respetar cando se levan os animais a pastar. Aquí vos vai.

• só se debe facer se non hai outra posibilidade, e se debe elixir as estradas de menor tráfico
• deben ir custodiados por unha persoa maior de 18, polo menos.+
• Esta persoa debe dominar os animais en todo momento.
• na estrada:
• non invadir a zona peonil
• circular pola dereita
• non deben invadir máis da metade do carril dereito
• deben facilitar o máximo posíbel o paso dos coches
• se fai falta para isto dividir o rabaño en distintos lotes, cada un debe ir con unha persoa
• levar luces se é de noite ou con pouca visibilidade

Dito doutro xeito:  non hai ningunha norma que obrigue a que vaia máis dunha persoa, pero como hai que ter o rabaño controlado sempre...

Na maioría das vías que empregamos, que son estreitas, é evidente que non é posíbel cumprir esta normativa.

Pero polo menos, xa sabedes o que, en teoría, hai que facer...





 Foto:  http://bit.ly/1bAR1O2



(normas escollidas da regulamentación de tráfico, circulación e seguridade vial, capítulo VI, artigos 126 a 128)